دور الضحية مش لائق عليك

 بستغرب جدا من الناس اللى طول الوقت عاوزة اللى حواليها يحبوها ويحاربوا عشانها بدون ماتبذل اى مجهود 

دايما بسمع دول باعونى .دول سابونى انا معنديش صحاب 

وعد أنه يفضل يحارب عشانى ومشى زيه زى اى حد كان بيقول 

يعنى كان مجرد كلام 😭

دى وعدتنى أنها هاتستنانى مهما حصل وادى وش الضيف 😔

دا طلع خاين وباعنى ومستحملش زى ماكان بيقول 

ايوة انا عارفة انى صعبة بس هو وعد أنه هايستحمل 🤦 

وغيره كتير من مشاعر الغضب اللى بنعيش جواها نتيجة لعشمنا أو وعود عشنا جواها وبننسى تماما دورنا احنا تجاه الوعود دى عشان تتنفذ اصلا 

بننسى أن اللى بيوعد دا عنده طاقة وليه مجهود معين بيبذله وبعدين بيجيب آخره 🤷

مش هايقدر يحارب لوحده طول الوقت مش طبيعى 

طاقته هاتخلص واسلحته هاتبوظ وتنتهى 🙄

دى الحروب الطبيعية بين الشعوب بياخده فيها بريك ويرجعوا يكملوا حرب تانى لحد مايقرر طرف من الاتنين الاستسلام🌏 

مابالك بقى حد وعدك أنه هايستحملك ويستحمل عشانك عشان بيحبك وعشان عاوزك ويقرر فعلا يحارب ويلاقيك انت مكتف ايديك وبتتفرج عليه بمنتهى البرود وكانك بتقوله هات اخرك 

ولما بيجيب آخره فعلا ويقرر الانسحاب ويكتشف انك متستاهلش تقوم انت تتهمه أنه خاين وكداب وكان بيضحك عليك وتحاول تقنع نفسك أنه كويس مكملناش .👍

هو فعلا كويس لانه خسارة فيك 

كويس لانه خسر طاقته ومجهوده ووقته وكل أسلحته عشان يحافظ عليك وانت كنت دائما عبء عليه ومصدر لامتصاص طاقته ومجهوده 

قبل ماتتهم حد بالخيانة والكدب وتلبسه عباية الوهم اسال نفسك هل فعلا هو محاولش ولا مرة 🤔

هل فعلا كل كلمة قالها كانت كدب ومحاولش مرة يحافظ عليك وعلى وجودك .طب مكنش فى اى تنبيهات لطاقته اللى بتخلص 

معاتبش ولا مرة على اهمالك وتصرفاتك اللى بتستنفزه بشكل أسرع 

لو واجهت نفسك هاتتصدم انك انت اللى كنت خاين وكداب انت اللى محاولتش ولا مرة بالعكس كنت عبء عليه كمان .🤦

كنت سايبه يدخل الحرب لوحده واخدت منه كل أسلحته وقعدت تتفرج عليه وتجيب آخره 

قبل ماتلوم حد أنه مشى لازم تركز الاول فى تصرفاتك اللى كانت مؤذية جدا ليه .

لازم تركز فى اللى انت كنت بتهده أثناء ماهو بيبنى العلاقة وبيحاول يحافظ عليها عشان تنجح وتستمر زى ما وعدتك .

لازم تركز هو حاول كام مرة وانت كان رد فعلك ايه تجاه محاولاته .وهل كنت بتساعده وتقوله الطريقة الأفضل للوصول ليك وللحفاظ على العلاقة ولا كنت عبء عليه وسبب فى امتصاص طاقته 🙃🙃

دور الضحية مش لائق عليك ابدا 🤣

#خليك_انسان

#marina_adel