اللى عايز حاجة بيعملها 
اللى محتاج حاجة بيعرف يعبر عنها 
اللى بيحارب عشان حاجة بيكون واضح جدا انه بيحارب عشان الحاجة دى بالظبط
اللى بيحب حد بيكون واضح جدا فى عيونه وتصرفاته أنه بيحب .الحب بيفضح 
اللى بيحب بجد بيعرف يوضح ويعبر عن مشاعره حتى لو اتشقلب فى البداية وتعب عشان يوصل لافضل طريقة تعبير
ولكن تعبيراته واضحة وصريحة جدا انا بحب انا عاوز كذا
انا محتاج كذا
اى تلميحات مش مفهومة .مش حب
اى مشاعر متناقضة ومتضاربة مش حب
اى تصرفات مترددة مش حب 
اى حاجة بتحصل قبل كلمة بحبك وعاوزك معاية لا تعتبر حب ولكنها مجرد تلميحات ليس لها اى اساس
مجرد تلميحات .إلى ان ياتى التصريح الواضح والعظيم
الى أن يقرر أحد الطرفين بأنه عاشق ولهان ويريد أن تسير العلاقة كما يجب أن يكون
انا بحبك وعاوزك معاية .واضحة وصريحة ومفهومة قطعا عن اى تفسيرات وتلميحات مبهمة ليس لها أساس
كلنا بنعرف نحب .كلنا قلوبنا جواها مشاعر وحب تكفى عالم
كلنا بنعرف نلمح ونعبر بمليون طريقة ولكن للاسف مش كلنا بنعرف ناخد قرار التصريح الرسمى والواضح
مش كلنا عندنا الشجاعة اللى تخلينا نشيل مسؤلية الحب لمدى الحياة 
يابخت اللى عنده شجاعة التصريح الرسمى والواضح
الاعظم من الحب هو شجاعة التعبير عن الحب وتحمل مسؤليته واستمراره
دمتم محبين وشجعان للتعبير عن حبكم
الحق عبر عن حبك قبل فوات الأوان خليك شجاع
لينك قناة اليوتيوب
تعليقات
إرسال تعليق