فى فرق كبير اوى بين انك محتاج وبين انك عاوز حاجة
اولا عمرك ماهاتحتاج لاى حاجة انت مدوقتش طعمها ومتعودتش عليها ولا تعرف شكلها عامل ازاى ولا تعرف لذتها
فبالتالى انت متعرفهاش اصلا ازاى ممكن تحتاج لحاجة مجربتهاش ولا تعرف جمالها
اذن لما تطلق كلمة انا محتاج .
انت بتحتاج للشئ اللى انت بالفعل جربته وجربت شعورك تجاه ومحتاج تكرر التجربة دى تانى
احنا بنحتاج للحاجات اللى ادمنا وجودها .
بنحتاج لتكرار لذتنا ومشاعرنا تجاهها
الاحتياج مرحلة أعمق بكتير من درجة العوز
انا عاوز .يعنى عاوز اجرب حاجة جديدة عاوز اعيش تجربة جديدة واخلق شعور جديد من الحاجة الجديدة دى
عاوز أخلق احتياج جديد بدون وعى منى اصلا
ايوة للاسف لو اللى انت عاوزه دا جربته اكتر من مرة تلقائى جدا بتتكون درجة الاحتياج اللى ساعتها انت مش هاتقدر تتحكم فى وجودها أو مدى تأثيرها عليك
الاحتياج مرتبط جدا بمشاعرك
العوز مرتبط بفكرك
لو قدرت تسيطر على فكرك قبل ماتنقل الشئ لمستوى المشاعر هاترحم نفسك من تأثير الاحتياج اللعين
انا عاوز يعنى انا اللى بقرر امتة وفين وازاى هانفذ اللى أنا عاوزه
انا محتاج للاسف ببقى مجبر لاى ظروف ووقت وطريقة هاتسدد الاحتياج دا
حافظ على احتياجاتك ومتخليهاش تثور عليك
حافظ على افكارك واعوازك قبل ما تنقلك لاحتياج لاعين
قبل ماتدمنها سيطر عليها .خلى عندك رؤية مستقبلية لافكارك ولمشاعرك
قبل ماتنفذ اللى انت عاوزه .زى مابتحط خطة لتنفيذه
خطط كمان لعدم تنفيذه والسيطرة عليه قبل مرحلة الإدمان اللى هاتوصلك الاحتياج اللى هايخلص عليك وهايعرضك لعبوديته
سيطر على اللى انت عاوزه .
عشان متبقاش محتاج لحاجة اصلا
اتعود متتعودتش على حاجة وخليك حر
#خليك_انسان
#marina_adel
حلو جدا .. وكتاباتك حلوة .. استمرى .
ردحذفبشكرك جداااا
حذف