رسالة الى مكتئب

رسالة الى كل مكتئب

اوقات كتير اوى بنفضل ماسكين فى الحاجة اللى بتوجعنا وبتاذينا لمجرد أن مفيش غيرها

مفيش اوبشن تانى .

معنديش حاجة امسك فيها غير الوجع دا .بتيجى على نفسك وتستحمل على اعتقاد أن 

قضى اخف من قضى

على اعتقاد انك لو فلت ايدك من الحاجة دى مش هتلاقى حاجة تانية تعملها وعذابك وتعبك هايكون اكبر

بنفضل ماسكين فى شخص متعب وعايشين اسوء ايام حياتنا معاه لمجرد أن مفيش غيره محبناش غيره .

ومش هانحب غيره وكأن حياتنا وقفت وخلصت عنده

بنفضل ماسكين فى شغلانة ومكان يستنفز كل طاقتنا ومجهودنا ومش قادرين نمشى لمجرد أننا لو سيبنا العذاب دا هانترمى فى الشارع والعذاب هايكون اكبر .

بنفضل ماسكين فى حالة الاكتئاب والحزن اللى بيضعف القلب كل يوم لمجرد اعتقادنا أنه خلاص اتعودنا اصل هتكون مبسوط ازاى  أو ايه اللى ممكن يبسطنى 

فبنتاقلم على وجود الاكتئاب عادى

فكرة الاعتقاد أن مفيش اوبشن تانى بتجبرنا نرضى بالأمر الواقع اللى فرضنا على انفسنا

منطقة الراحة حتى لو مفيهاش راحة بنرضى بيها لمجرد أننا معتقدين أن مفيش اوبشن تانى

وكان مفيش ناس تانية فى الدنيا هاتحبك وتحبها

وكان مفيش. شركات فى الدنيا شغالة غير الشركة اللى انت فيها

وكان لازم تكون كل ايامك سواد عشان هو دا الواقع

اعمل لنفسك الاوبشن التانى لو مش موجود

فتح عيونك على الاختيارات الكتير اللى حواليك وأخرج برة صندوق السواد والاكتئاب اللى معيش نفسك فيه

كفاية اكتئاب لان الاكتئاب كداب .بيخليك تعمل زووم على كل السواد اللى فى حياتك وبس 

حياتك فيها اوبشن تانى وتالت لكل سواد شايفه 

#خليك_انسان

#marina_adel