فى أفكار كدة لما بتجيلك لازم تعملها على طول .
لازم تشتغل على تنفيذها ومتديش نفسك فرصة تفكر فيها كتير
لان بمنتهى البساطة لو فكرت كتير مش هاتعملها اصلا
فى أفكار كدة ملهمة مش دورها انها تطلع فى أحسن صورة ولكن تطلع من قلبك وبس 💗
لو بدأت تدخل فيها عقلك وتعدل عليها للاسف تنفيذها مش هيكون بنفس درجة الحلاوة والمتعة 😟
فى أفكار كدة لو فضلت تفكر فيها كتير هاتموت احساسها وروعتها اللحظية
فى أفكار كدة بتجيلك عشان تنفذها على طول مش علشان تفضل تعدل فيها بباقى افكارك القديمة المتخزنة
فى حاجات كدة لازم تتعمل على طول زى ماانت حاسسها بالظبط عشان احساسك يوصل
متموتش احساس افكارك الحلوة بأفكارك القديمة
جتلك فكرة تبسط حد ابسطه فورا .
لو فضلت تفكر هل هو يستاهل ولا لا .هاتموت احساسك وأفكارك
لو فضلت تفكر ابسطه ازاى برضو هاتموت الفكرة
اللالهام الحقيقى المطلوب هو اللى جه على بالك واحساسك الاول .نفذه زى ماهو متفكرش كتير
فكرتك واحساسك الحلوين دول هايبسطوك انت اكتر منه
متحرمش نفسك من احساسك الجميل تجاه اى حد
متحرمش نفسك من افكارك الملهمة ولحظة انبساطك اللى جواها
عيش احساسك زى ماهو .متفكرش كتير
متقتلش مشاعرك .عيشها زى ماهى .مشاعرك تستاهل تتعاش .
مشاعرك بتتعاش وتتحس وبس مش هتعرف تفهمها ابدا مهما حاولت
عيشها زى ماهى .حلاوتها فى بساطتها
#خليك_انسان
#marina_adel
تعليقات
إرسال تعليق