انت ممكن تكره حد ويكون ليك حق فى كرهك ليه فى حالة
انه اكل اكلك 🙄
قتلك حد غالى
خطف منك حبيبك مثلا 🤦
كان سبب فى اذيتك فى الشغل
أو حصل بينكوا خناقة وهو انتصر وسمعك كلمتين حرقوا دمك مثلا 😞
أو اتكلم عليك وحش من ضهرك وانت سمعته بودنك وهو بيذم فيك
أو فرقعلك كوتش العربية مثلا 🤔
أو بيشوف وشك يحسبن عليك ويتافف مثلا
أو يرميلك كلام وحش ويلقح بالكلام الوحش فى وجودك بس وانت على راسك بطحة فى من حقك تكرهه🤷
أو اخد منك حاجة غالية غصب عنك
أو كسرلك ايد أو رجل أو حتى خاطر
كل الأسباب دى لو حصلت بينكوا وانت كرهته فدا من حقك وهو ممكن يتقبل كرهك ليه عادى جدااا لأن فى آسباب طبيعية منطقية لمشاعر الكره والغضب 😏
لكن اللى مش قادرة اقبله ولا أفهمه أن حد يكره حد من باب للطق كدة .🤦
الحقيقة ملهاش اى تفسير غير أنه حقد كبير وقلب اسود وشرير بشكل غير طبيعى .😳
مرض نفسى محتاج للعلاج الفورى لان درجة الاذية فى الحالة دى بتوصل لأعلى درجات الشر 😮
القلب اللى مليان حقد وكره لأشخاص بدون اى اسباب حقيقى ربنا يتولاه ويرحم صاحبه لأن نار الكره والحقد لا تحرق غير صاحبها 😱
ربنا يشفى ويهدى ويداوى القلوب الحقودة لانه أشد الما من القلوب المجروحة 💔💔
#خليك_انسان
#marina_adel
تعليقات
إرسال تعليق