كلنا مستنين العوض .
كلنا مستنين فرحة تقلب كيان حياتنا 
كلنا عاوزين تعويض عن اى خسارة واى وجع واى لحظة عشناها مش مبسوطين حتى لو عدم الانبساط دا احنا السبب فيه ودا اصلا اختيارنا ولكن برضو عاوزين عوض عنه 
كلنا مستنين عوض وفرحة مش عارفين ايه هى ولا عارفين ايه اللى ممكن يبسطنا يعنى حتى لو ربنا بعتلنا الفرحة والعوض دا ممكن منعرفش أن هو دا اللى المفروض نفرح بيه ونعتبره العوض 
هل العوض
.زوج .ابن .فلوس .شغل .منصب .بيت .شهرة
وحتى لو جه الزوج الصالح هانستنى عوض الاولاد وهكذا سلسلة من العطايا والتعويضات اللى ملهاش نهاية 
وتظل كلمة العوض كلمة عامة جدا ومستمرة حتى نهاية الحياة لأننا منتظرين العوض اللى مش عارفين ايه هو طول الوقت 
وكأننا بنقول للمسؤل عن التعويض انت مهما عملت ومهما عوضت مش كفاية ..
حلو أننا نطمع فى الهنا وهو هايدينا اكتر من اللى بنطلبه.
ولكن احنا اللى بنصاب بحالة من عدم الرضا .لأننا اصلا مش عارفين الى اى مدى العوض هايرضينا ولا ايه العوض اللى احنا مستنينه بالظبط .فبالتالى مهما اتعوضنا مش هانشوف ومش هانرضى
اطلب عوضك من الله حتى ترضى بتعويضه 
دمتم راضين بتعويضاته اللى مبتخلصش ابدا
تعليقات
إرسال تعليق