الخير فين ؟؟

*الحاجة اللى تروح منك مكنتش ليك من البداية 

*الحاجة اللى تخسرها متزعلش عليها ماهى لو بتاعتك من البداية مكنتش خسرتها كلها جمل بنستخدمها عشان نقنع نفسنا أن الخسارة دى ميتزعلش عليها واننا كدة مخسرناش حاجة واحنا زى الفل جمل مزيفة وخادعة جدا بنستخدم الجمل دى أما نحب نرمى مسؤلية غلطاتنا على شماعة الظروف والنصيب والخير .ماهى اصلا مش خير ومكنتش بتاعتى بدل مااقول انا معرفتش احافظ عليها بالطريقة اللى تناسبها فبالتالى خسرتها بدل مااقول انا اللى كنت مهمل فى النعمة دى .

فبالتالى النعمة هتزول انا اللى مكنتش جاهز للحاجة دى ومحاولتش حتى احافظ عليها ولو شوية صغيرين فنقول اها اخدت الشر وراحت اهو النصيب كدة .

هى اصلا مش بتاعتى من البداية وارمى كل حاجة على الظروف والنصيب لا اسمحلى اقولك أن هى لو مش ليك من البداية مكنتش جاتلك اصلا مكنش ربنا بعتهالك وعلقك بيها للدرجة اللى تخليك تقول قدر الله وماشاء فعل اول ماتخسرها .

 للدرجة اللى تخليك تحاول تصبر نفسك بأنها مش ليك لا هى كانت ليك وانت معرفتش تحافظ على وجودها فخسرتها انت اللى مكنتش تستاهلها فبالتالى خسرتها . 

انت فعلا خسرت وإلا مكنتش قولت كل الجمل اللى بتصبر نفسك بيها دى قبل ماتقول الجمل العظيمة دى راجع نفسك انت فعلا حافظت عليها وكنت عاوز الحاجة دى وحاولت تديها من وقتك. عشان تدوم ولا كنت مهمل ومش مقدر قيمتها لحد ماخسرتها لو فعلا عملت اللى عليك للنهاية يبقى قدر الله وماشاء فعل راجع درجة تمسكك بالنعمة اللى كانت فى ايدك لو فعلا بذلت مجهود عشان تحافظ عليها ودا محصلش يبقى فعلا انت خسرت كتيررر اخسر وضميرك مرتاح 

 #خليك_انسان 

 #marina_adel 

 #الحب_شفا