 |
مش طايقة ابص فى وشه 🤦
الجملة دى لما كنت بسمعها من اى حد زعلان من حد غالى عليه .كنت بقول دا تعبير مبالغ فيه اوى يعنى 🤷
أو هو أقرب تعبير عن الغضب والزعل ودا من قدر الغلاوة والمحبة .🥰
ويمكن عشان مجربتش الموضوع دا كتير ☺️
كنت بقول ايه الأوفر دا .اكيد لو حصل عتاب او لو اتكلموا وسمعوا بعض .خلاص الزعل هايروح👌
لكن لما فعلا جربت احساس .انى مش طايقة ابص فى وشه
طلع شعور أسواء كتير مما كنت اتخيل .💔💔
فكرة انك مش قادر تشوف حد .😔
أو انك تلمحه فتلاقى زى حجر جه على قلبك كدة وتلاقى عينك غمضت لانك فعلا مش طايق تبص فى وشه
مع العلم مفيش كره ولا حقد ولا غل .فعلا ممكن تكون بتحبه جدا .❤️
ولسة الشخص غالى عندك ولسة مكانته موجودة ❤️
بس فكرة أنه معرفش يحافظ على مكانته انت مش قادر تتقبلها .🤦🤦
فكرة انك اديت حاجة غالية عندك لحد ميستاهلهاش ومحافظش عليها .💔
فتضرب نفسك مية جزمة انك فرطت فيها وانت طول عمرك محافظ عليها ومخبيها 😭
فكرة انك ميزت غلط .شوفت حاجات مش موجودة واتعاملت بخيالك فبالتالى معرفتش
تفهم هل الشخص دا هو الشخص اللى هيحافظ على الحاجة الغالية دى ولا لا
مش ذنبه ابدا .فبالتالى المحبة بتفضل موجودة 🤷
لكن مش بتقدر تواجه مشكلتك فى تقديرك ليه
ومن هنا بتبدء تتعلم اللى عمرك ماكنت هاتفهم الا لما دا يحصل 🤷
#خليك_انسان
#marina_adel
#الحب_شفا
تعليقات
إرسال تعليق