خد إجازة
ايوة خد إجازة من اى فكرة سلبية مسيطرة عليك
خد إجازة من اى موقف متكرر انت بتعمل زوم عليه وعمال تحلل وتفصص فيه لحد مادماغك هاتطق
خد إجازة من اى شخص أنت حاسس أنه مصدر إزعاج ليك وبقى ياخد من وقتك وطاقتك ومجهودك كتير
خد إجازة من اى دوشة واى فكرة أو نشاط أو شغل بياخد من طاقتك ومش قادر تشحن طاقتك بسببه
خد إجازة من اى حاجة حاسس ان عدم وجودها اريح
حتى لو عدم وجودها مش مريح .ووجودها ضرورى جدا .
خد منها إجازة وارجع بكامل قوتك
خد إجازة من صحابك اللى كل ماتكلمهم يفضلوا يشتكوا ويشحنوك سلبية اكتر
خد إجازة من كلمة انا كويس انا تمام
اسمع نفسك واقبل ضعفك وانت بتقول انا تعبان .انا زهقان .انا طهقان .انا طاقتى خلصت 🤦
خد إجازة فعليا .
اجازة بجد من كل حاجة .
غير روتين يومك تماما إنشاءالله تفضل يومين بتتمشى فى الشارع بلا اى هدف
بدون اى تفكير ولا اهداف ولا اى حاجة اصلا
إنشاءالله تفضل نايم اليومين دول ومتعملش اى حاجة غير النوم
خد إجازة .إجازة بجد من اى فكرة أو انسان أو شغل أو روتين أو نشاط أو اى حاجة مزعجة 👌👌
#خليك_انسان
#marina_adel
#ريح_نفسك
تعليقات
إرسال تعليق