أزمة خبرة 🤦🤦
مطلوب موظف لوظيفة كذا وشرط خبرة لا تقل عن 50سنة
ايوة كدة اللى معندوش خبرة مينفعش يشتغل ماهى كل الشركات عاوزة خبرة 🤦🤦
حتى لو الشخص ذو الخبرة العظيم دا .خبرته محدودة اشتغل فى شركة صغيرة بس استقر فيها وشغله روتينى جدا ومشاكل شغله كانت محدودة جداا ولا يفقه شئ عن معنى الخبرة الحقيقى اصلا .🤣
ولكن اهو اسمه عنده خبرة 50سنة فى المجال دا والشركة دى عاوزة خبرة فهو أحق بيها بقى 😏
ونركن على جنب خالص الشخص اللى معندوش خبرة غير سنة واحدة بس عنده كل المعلومات والمعرفة الخاصة بالمجال عنده كل المهارات والقدرات والابداع اللى يميزه عن اى حد .عنده الصفات والقدرات اللى فعلا الوظيفة دى محتجاها👌👌
عنده كل الحاجات اللى تأهله يشتغل فى الوظيفة اللى محتاجة 50سنة خبرة .ايوة ممكن ياخد وقت شوية فى تعليم بعض الحاجات اللى مش هينفع يتعلمها غير بالممارسة بس برضو الشخص اللى عنده خبرة هياخد نفس الوقت واكتر لو اشتغل وهو معندوش استعداد يتعلم حاجة جديدة واعتمد على خبرته المحدودة وبس
او اشتغل فى نفس المجال بس طريقة الشغل مختلفة وقواعد وقوانين وسيستم الشركة مختلف .فبالتالى هيبقى محتاج نفس الوقت والمجهود للتعليم برضو 🤦🤦
ايوة اطلب خبرة مهواش عيب ولا حرام .بس خدبالك وانت بتطلب الخبرة دى .دور على ما يعادلها من مهارات وقدرات وصفات وادى فرصة للشخص اللى فعلا عنده استعداد ياخد خبرة ال50سنة دول فى سنة واحدة
أسطورة الخبرة ماهى الا تقليد سفيه جدا من ضمن التقاليد اللى محتاجين نمحيها
تعليقات
إرسال تعليق