مش لازم يكون سبب رفض الناس لينا هو نقص فينا او فى امكانياتنا .🤔
وارد جدا يكون بسبب نقص فيهم هما ورؤيتهم لينا أننا اكبر من اللى هما يستحقوه فبالتالى يرفضوا عشان منسببلهمش احباط 👌
وارد يكون وعى منهم أننا غير مناسبين لطبيعتهم ولامكانياتهم .
وذلك من دراسة جيدة جدا لأنفسهم ولاحتياجاتهم
مش دايما الرفض بيكون رفض سلبى ابدا 🤔
فى رفض ايجابى جدا .
رفض يساعدك تتقدم وتتحدى نفسك
رفض يفتح عيونك على صفاتك ومميزاتك والفخر بها
قبول الرفض يساعدك ميهدكش .قبول الرفض يقدمك مياخركش
قبول الرفض يخليك تركز عشان تكتشف السبب وتشتغل عليه مش علشان تتهد وتبطل تحاول
الرفض مؤشر قوى لوجود خلل ما يجب الإنتباه ليه والعمل على تصليحه
مثل الالم فى أحد الاعضاء بالظبط فهو مؤشر لوجود مرض يجب علاجه لاستمرار الحياة
قبول الرفض من أعظم الخطوات التى يجب عليك اتخاذها والتدريب عليها 💪
اقبل رفضك .اقبل الرفض من اى شخص أو شركة أو مكان لان دا مش معناه انك وحش أو نقص فيك ابدا .
دا مؤشر انك ماشى صح بس محتاج تعدل بعض الحاجات أو تكمل المشوار فى اتجاه تانى أو ينبهك لطريق افضل كتير من اللى انت ماشى فيه اصلا 🤷
اقبل الرفض لانه مثل الالم ياتى بعده امل وقبول عظيم👌👌
تعليقات
إرسال تعليق