لما تبنى بيت ومتلاقيش حد يسكن فيه يبقى ملوش لازمة البيت 🤦
لما تفضل تحوش فى فلوس كتير ومتعرفش تصرفها ولا تنبسط بيها يبقى ملهاش لازمة الفلوس🤦
لما تقعد تتعلم وتدرس ويكون عندك معلومات كتير بس محتفظ بيها لنفسك ومحدش استفاد ولا اتعلم منك حاجة يبقى ملهوش لازمة التعليم 🙄
لما تبنى شخصية وكاركتر وكيان لنفسك ومتلاقيش حد يعاشرك ويكمل معاك ملهاش لازمة الثقافة والشخصية 🤔
كنت بتكلم مع حد ذو خبرة وقالى جملة كان بقالى كتير بفكر فيها قبل مايقولها 🙄
قالى انتى عمالة بتبنى كاركتر وشخصية وكيان لنفسك بس خدى بالك صعب تلاقى اللى بيبنى كيان لنفسه زيك عشان تكونوا متوافقين .
خدى بالك انتى هاتتعبى اوى فى اختيار شريك الحياة لأن الرجالة بتخاف من نوعك اوى 🤦
خدى بالك حاولى تهدى شوية وعيشى الواقع لانك هتواجهى أزمة الوقت والعمر اللى بيجرى 😭
دا كان مضمون كلامه أو اللى انا فهمته من كلامه
الحقيقة موضوع مرعب جدا .فكرة انك بتشتغل على نفسك وكانك بتسابق الزمن وبتجرى وبتطور وكل اللى حواليك بيتمشوا بس .هايجى عليك وقت وتلاقى نفسك بتجرى فى مكان فاضى كلهم لسة بيتمشوا وانت سبقت بكتير .
مش هتلاقى حد تنافسه وينافسك تشجعه ويشجعك تكملوا جرى مع بعض وتحاربوا مع بعض ساعتها عندك حل من الاتنين 🤔
انك تقرر تقف لحد مايوصلولك وتكونوا فى نفس الرتم
أما تفضل مكمل جرى لوحدك وساعتها هايجى عليك الوقت اللى هاتكون مجبر فيه ترجع للخلف خطوتين تلاتة عشان بس تلاقى حد يسليك ويكمل الباقى من عمرك وانتوا بتتمشوا
أنها الحيرة والمأساة التى يقع فيها كل من يريد التطور والنجاح 🙄
لكل من يريد الوصول للطموح اللى ملهاش سقف ولا حدود
كن طموح وعيش الواقع 👌👌
أزمة عمر 😭
تعليقات
إرسال تعليق