على قد فلوسهم 🤦🤦
هما اصلا ميستهلوش .خليهم يجيبوا حد من برة يعملهم الشغل دا ويدفعولوا مبلغ وقدره هما اصلا يستاهلوا كدة 🙄
انا بعرف اعمل الشغلانة بس مش هاعملها عشان هما فعلا ميستهلوش .هاعمل عبيط وهاديهم على قد شغلهم
انا هافضل قاعد بعمل نفسى شغال وهاديهم على قد فلوسهم 🤦
دا الموظف الشاطر اللى شغال مع شركة ضعيفة مش عارفين يقدروه ولا يستغلوا قدراته ابدا
الموظف دا خسارة فى الشركة فعلا .لو لقى فرصة وتقدير ممكن يقلب كيان الشركة ويطور شغله بشكل كبير اوى 🤷
ولكن للاسف عشان فعلا ميستهلوش بيستخسر يشتغل .بيستخسر يطور ويفكر ويكبر شغله .بيستخسر فيهم اى حد لأن هما كمان بيستخسروا فيه التشجيع والتحفيز والتقدير
هو مش خسران حاجة .بيعمل شغله وبيقبض مرتبه ومبسوط كدة ومع أول فرصة أحسن برة هايمشى
الشركة فى وجهة نظرى هى الخسرانة .
وخسرانة كتير كمان لو فى كام موظف من النوعية دى وهى معرفتش تستغلهم هاتخسر كتير
يمكن تكون مش عارف كصاحب شركة انك خسران لانك اصلا ممكن متكونش عارف انك عندك ناس فى ايديها تقلب كيان شركتك وتكبرك بسرعة
بس اكيد عارف مهارات كل واحد فيهم وقادر تقيم شغل كل موظف وتقدر تدى تدريب وتطوير وتقدير عشان تلاقى .
افتح باب التقدير وتشغيل الدماغ انت الكسبان ياصاحب الشركة 🤷
عين الموظف عشان يفكر ازاى يطور من شركتك ومن نفسه معاك كمان ❤️
مش علشان تقوله يعمل ايه بالظبط 🤦
استغل العقول لأنها كنز حقيقى 👌👌
تعليقات
إرسال تعليق