بستغرب جداااا من الناس اللى بتقدر تنسى كل الحاجات الحلوة مع اول خلاف 🤦
يعنى ايه تبقوا بتحبوا بعض وبينكوا حاجات حلوة كتير ومواقف وضحك وحياة وذكريات 🥰
وفجأة عشان اختلفتوا أو ظهرت نقطة خلاف أو ظهر عيب جديد .أو حصلت مشكلة قاسية اوى .أو حصل اى حاجة تسبب زعل اوضيقة 🙄
فهوب كل واحد يطلع اوسخ ماجواه 🤦🤦🤦
اللى هو ايه دا فى ايه .وفى لحظة بتقرروا تمسحوا كل الحاجات الحلوة والمواقف العظيمة والطريق الطويل اللى مشيتوا مع بعض والصراعات والخناقات والذكريات اللى مريتوا بيها .🤔
وقررتوا تنتقموا من بعض ولا كانكوا الد الأعداء لبعض .ايه دا ياجماعة بجد 🤦
ازاى القلب اللى بيحب يعرف يكره وينتقم بالشكل دا .انتوا ازاى كدة بجد .
ليه الكبرياء بياخد اكبر من حجمه ويقرر كل واحد فيكوا أنه يتمسك برائه وتقرروا تنتقموا من بعض وكل واحد يتفنن ازاى يضايق التانى بطرق جبارة ولانكوا حافظين بعض فعلا كل واحد بينجح أنه يضايق التانى ويخليه يغلى وكانكوا هاتكسبوا اوسكار مين يضايق ويسحب رصيده من التانى اكتر 💔💔
ازاى القلب اللى بيحب بيعرف يكره .دى معادلة صعبة اوووى مينفعش تحصل 😔😔
القلب اللى بيحب .بيزعل .بيضايق .بيتعب .بيتوجع . بيبعد .بيتجاهل .بيتالم .بيتعلم. بيقوى 💪
لكن يكره مستحيل .ينتقم لا ميعرفش .يغلى ويحقد ويتمنى الشر لا مينفعش مع الحب ابدا .ميتفقوش .ميتجمعوش مع بعض اصلا 👌👌
طب بلاش حب .ازاى بعد مابتمشوا طريق مع بعض وتعدوا مواقف وتعيشوا مع بعض افضل لحظات حياتكوا .ازاى بعد كل دا يجيلكوا قلب تخلوا فى ذكريات زفت تمحى الذكريات الحلوة دى .🤔
جماعة ايه اللى بيحصل بجد وليه بنعمل فى نفسنا ومع بعض كدة وازاى بنسمح للكبرياء والحقد يمتلك قلوبنا وازاى بنقرر نلغى كل الحلو ونشوف الوحش بس 🙄
معادلة غريبة اووى 🤦🤦
القلب اللى يحب ميعرفش يكره ابدا ❤️
قدم حب تلاقى حب ❤️❤️
تعليقات
إرسال تعليق