خد بالك زى مانت كشركة بتقيم الموظف وتحطه تحت الاختبار فى أول 3شهور .👌👌
هو كمان بيعملك تقيم فى نفس الفترة 🤷
زى ماانت بتعمله انترفيو عشان تعرف هل هو مناسب للوظيفة بتاعتك ولا لا 👌
هو كمان بيعملك انترفيو عشان يعرف هل مميزات شركتك مناسبة مع مميزاته ولا لا 🤷🤷
زى ماالموظف محتاج الوظيفة عشان المرتب ويسدد التزاماته ويعرف يعيش 🤷🤷
انت كمان محتاجه عشان الشغلانة تخلص وانتاجك يزيد 👌👌👌
زى ماانت بتقول يمشى موظف يجى الف غيره 🙄🙄
هو كمان بيقول الشغل على قفا مين يشيل والشركات كتير والأرزاق على الله 🙏🙏
زى مانت بتسحله وتخصم منه وتمص دمه .هو كمان لو ذكى شوية هايعملك اللى انت عاوزه بس بطريقته هو ويسحلك برضو من غير ما تاخد بالك 🤣🤣
زى ماهو محتاجلك انت كشركة محتاجله برضو 👌👌
لو انت hr فى شركة محترمة دورك هايظهر هنا بقى .🤔🤔
لازم تكون فاهم كويس انك واقف على أرض محايدة .
يعنى لازم تكون متزن وسوى نفسيا لانك الحاكم والفيصل بين الطرفين .👌👌
ودا طبعا لو انت عاوز ترتقى بالشركة مش تشتغل والسلام
لو قدرنا نفهم أن الشركة والموظف بينهم علاقة لا تقل أهمية عن اى علاقة بين أصدقاء ❤️❤️
اكيد هانقدر نرتقى بإنتاج الشركة وصفات الموظف اللى تناسب الشركة 👏👏👏
اتش ار محايد 👌👌
تعليقات
إرسال تعليق