عمرها ماكانت بالاقدمية 🤔🤔
ماهو مش علشان انت بقالك 60 سنة شغال فى الشركة تبقى انت واو ومفيش غيرك 😏
لا ماهو انت ممكن تكون حمار وبقالك 60 سنة مفيش اى جديد ابدا ومجرد روتين
لا وبتبقى عالة على الشركة كمان ولو مشوك وجابوا عيل بتاع 20 سنة ودربوا شوية هايشتغل احسن منك 🤦🤦
مش بالاقدمية .ولكن بالكفاءة والقدرات والمهارات 😍
حتى لو دول مش موجودين فى الموظف .وعنده صفة القابلية والمرونة والاستعداد للتعليم .اهى الصفة دى تكفى أنه يكبر بسهولة 👏👏
مش بالاقدمية الفارغة .ماهو انت قديم يعنى خلاص اتعلمت كل حاجة ومفيش حاجة جديدة تتعلمها .ووصلت لمنصب بعد تعب .💪💪💪
حلو اوى ابتكر بقى .بلاش .علم اللى تحتيك بقى .انقل خبرتك ونجاحك وتعليمك للى حواليك متبقاش طماع
حلو انك تحتفظ بجزء يميزك عشان تفضل مميز وتحت الطلب .ولكن مش حلو تكون انانى 🤦🤦
ماهو كدة كدة مسيرك هاتمشى .أو هاتموت .أو هاتطلع معاش
وشغلك كمان هايجى1000 حد يعمله وتميزك دا هايموت معاك كمان 😒
اختار انك تفضل فى الأذهان بنقائك وانسانيتك ومساعدتك للآخرين
لو معندكش حاجة تقدمها ولسة واقف مكانك مش عاوز تتعلم وكبرت على التعليم متزعلش لما يجى حد بيجرى جنبك ويسبقك وياخد مكانك أو يكون مدير عليك لانه كان بيجرى لحد ما وصل وانت اللى فضلت ثابت مش عاوز تتحرك 🤦🤦🤦
مش بالاقدمية ابدا .🤔🤔🤔
بالكفاءة والقدرات والمهارات والمرونة والسعى والتجديد والتغير ومواكبة المحيط 👌👌👌
تعليقات
إرسال تعليق