مينفعش تستخدم الحب الغير مشروط مع حد بيحبك بشروط ومش هايحبك غير بشروط 🤦🤦🤦
مينفعش تفضل طول الوقت تقدم حب وتقدير واحترام وحنان ودلع واهتمام ورعاية وكل الحاجات الحلوة دى
لحد مش هايعرف يقدم ربعها ولا حتى هايفهمها 🤦🤦
لانه بمنتهى البساطة كل حاجة عنده وليها شرط .🤔
فبالتالى هايفسر كل عطاياك الجميلة دى على انها هبل .سذاجة .خفة .قلة ادب .ضعف .عدم تحكم فى مشاعر .عبط .هايفسرها اى حاجة غير الحب 🤷🤷
معزور ماهو ميعرفش يعنى ايه حب غير مشروط .اتعود أنه يحب ويتحب بشرط .🤦🤦🤦
اتعود أنه عشان يخلى حد يحبه لازم يعمل مية حاجة يلفت بيها الإنتباه .🧐🧐
لازم يهتم .ويسأل .لازم يتعب ويجتهد عشان يوصل 🙄
لما تيجى انت تديله كل دا بمنتهى البساطة وكمان من غير حساب .تبقى عبيط والعيب فيك مش فيه 🥺🥺
أيوة انت بتحب بدون شروط ومش مستنى منه اى حاجة ولكن دا مش صح ☹️☹️
زى بالظبط كانك بتفتح بيتك اللى مليان دهب ومجوهرات وفلوس كتيررر لواحد حرامى اصلا .😳😳
ظنا منك أنه لو لقى كل الحاجات دى متاحة مش هايضطر يسرق 🤣🤣
لا حضرتك هو هايسرق كل دا ويخليك على البلاطة ويطير
لانه حرامى اصلا .ولقى كل حاجة سهلة وبدون اى تعب .
معندوش ثقافة انى استمتع بكل الحاجات دى واحافظ عليها عشان تعيش معاية طول حياتى 🤷🤷
لا هو هايسرقك ويتمتع بحاجاتك مع حد تانى 🤣
الحب الغير مشروط دا مينفعش تقدمه غير لحد سوى نفسيا .ناضج .متزن .شخص اشتغل على نفسه وعقله وقلبه كتيررر اوى لحد ما وصل لنفس اعتقادك فى الحب الغير مشروط .❤️❤️❤️
حد عنده نفس نظرتك فى الحياة .حد بيعرف يقدر ويحترم ويفهم أقل تصرف بتعمله 🤗
حد يحبك برضو بدون شروط أو على الأقل يحترم حبك ويقدره وميسلبش طاقتك 😔
ولو مش قادر يستحمل طاقة حبك يقولك سامحنى .حبك دا كتير اوى علية مش هقدر استحمله .من فضلك ابتعد 🤗
شخص متزن .متزن يعنى مدرك وواعى كويس جدا بكل تصرف وشعور وفكرة بيعملهم 👌👌
شخص متصالح جدا مع نفسه وفاهم قدره وقوة تحمله .
شخص بيعرف يعمل كنترول على مشاعره وأفكاره
شخص بيعرف يسوق عربية حياته 💪💪
وعشان للاسف صعب انك تلاقى الشخص دا .
من فضلك لا تستخدم حبك الغير مشروط مع شخص غير سوى 🙏🙏🙏
حتى مع أبنائنا وابائنا .لأنهم بمنتهى البساطة لا يدركوا مدى كل التضحيات وقوة الحب التى بداخلك لهم 🤷🤷
مش عيب فيهم ابدا ولكن
دى نعمة عندك ربنا مديهالك .ومطلوب منك انك توزعها بشكل سليم عشان متبقاش سبب فى تدمير حياتك 👌👌
اعطى كل شخص فى حياتك .مقدار الحب الذى يتحمله قلبه فقد .❤️❤️
لا تعطى أكثر من قدرته حتى لا تتسبب فى تدمير حياته وحياتك 👌👌👌
من فضلك لا تحب بدون شروط 🥺🤷
#خليك_انسان
تعليقات
إرسال تعليق