اتعلم تضحى صح 🤔🤔🤔🤔
لما تيجى تضحى أو تتنازل عن حاجة عشان حد انت بتحبه 🤦🤦🤦
وانت من جواك حاسس وعارف أن دى مش طبيعتك.😔
وانك هااتعمل كدة عشان بتحب الشخص دا أو عشان متزعلهوش أو اى سبب ايا كان .🤷🤷
من فضلك قوله الاول 🧐🧐🧐
أيوة قوله إن دى مش طبيعتك وإن انت فى الطبيعى مهما حصل مكنتش هاتعمل كدة .😟
وانك كدة بتتنازل عن جزء فيك مكنتش تحب تتنازل عنه🤦🤦🤦
عرفه انك ضحيت عشانه فى حاجة هو شايف انها من حقه وان دا الطبيعى وان دا عادى 😒🙄
عرفه انك كدة بتضحى وبتتنازل عشان بتحبه وعشان مش عاوزه يزعل وعشان تشترى خاطره والحياة تمشى 🙂
اتكلموا واقسموا التضحية والتنازل واوصلوا لحل وسط
دا لو هو بيحبك 🧐🧐🧐
ساعات كتير اوى بنضحى بحاجات كتير وبنتنازل عن حاجات تفرق معانا جدا ولكن للاسف الطرف التانى مش بيبقى شايف ولا عارف انك ضحيت واتنازلت ابدا .🤦
ولكن شاف انك عملت كدة بسهولة وعادى .😏
ويجهل تماما كم المعاناة والأفكار والحرب اللى حصلت جواك عشان فى الاخر تبان أنه عادى 🔥🔥
قوله واتكلموا مش تتخانقوا وتزله وطول الوقت تفكره انك ضحيت وبتضحى وبتتنازل وانك ياحرام عايش دور الضحية 🥺🥺🥺
قوله وعرفه عشان يبقى فاهم انت بتمر بايه من مشاعر وافكار ويحاول يساعدك ويسكت الدوشة اللى جواك ويعوضك ويثبتلك أنه يستاهل التضحية دى والتنازل دا 😔
ضحى ولكن عرفه انك ضحيت عشان يعرف يعوضك 🤗🤗
احنا مش جاين نوقع بعض فى شر أعمال بعض 🤬
ماهوطبيعى ميفهمش ولا يدرك كم التنازل اللى انت بتصدمه بيه مع اول مشكلة 🤦🤦🤦
انت بتضحى وبتتنازل فى نظر نفسك طول الوقت وهو مش عارف
بالعكس دا كمان شايف انك مبسوط وبتعمل كل حاجة بمزاجك وبمنتهى السهولة 🤷
رغم انك ممكن تكون بتعانى مع كل خطوة بتخطيها عشان تبسطه .🥰
وممكن تكون بتيجى على نفسك كتير عشانه
ولكن هو فعلا ميعرفش ولا يفهم ولا هايحس بدا ابدا
لانه ميعرفش .🤔🤔
مش غلطته ابدا .دى غلطتك انت كلها 🤦
انت اللى مقولتش متكلمتش .بتيجى على نفسك ومستنى منه يشم على ضهر ايده .ودا مش منطقى ابدا يعنى 🤷🤷🤷
اتكلموا مع بعض ياجماعة واسمعوا بعض
اديله فرصة يثبتلك أنه يستاهل تضحياتك ومحاولاتك لاسعاده 😍
عرفه انت بتعمل ايه وشاركه افكارك وشعورك عشان يقدر يبسطك هو كمان ويفهمك ويقسم معاك الفرحة ❤️❤️❤️
دمتم متزنين 👌👌
#خليك_انسان
تعليقات
إرسال تعليق